×
Подождите немного...
«Xроника литовская и жмойтская» является частью большой рукописи, озаглавленной: «Летопис, то есть кройника великая з розных многих кройникаров диалектом руским написана, а найпервей о створеню от бога о днех шестих»
ВЫВОД И ПОЧАТОК О ВЕЛИКОМ КНЯЗСТВЂ ЛИТОВСКОМ И ЖМОЙСТКОМ , ОТКОЛЬ ВЗМОГЛИСЯ И ПОШЛИ
....морем Окияном В вышли до устя реки в Корлянского моря , где Немен рЂка в тое море впавши (недалеко от Клойпеды або Ланела, замку велми оборонного пруского), до мора Балтицкого або Венедицкого впадает. A потом Немном вошли в море Курляндское або Немново, a то для того зовется, ижь Немен в тое море Курляндское впадает дванатцетма мЂсци , a кождое Аназывают своим прозвизском , межи которыми называют едно усте Гексия ...
...A так Паламон, осЂвши в тых краях, яко ся уже рекло, сплодил трох сынов, Боркуса, Куноса и Спера; тые теды по смерти отца своего Жомойтскую и Корсовскую землю поделили. Боркус, сын старший, взял удЂл свой над Немном. Там, где рЂка Юра до Немна впадает, на устю, заложил замок, которому дал имя Юрборк , зложивши имя рЂки Юри з своим именем Борк, для славы вЂчной. Сын средний Кунос над Немном, где до него Вилия впадает рЂка, збудовал замок, котрого от своего имени прозвал Кунос; потом той замок Кунос прозвано Ковно, и до сего часу зовут его так . Борк, почавши от Юри рЂки аж до мора Пруского и Курляндского, краинами владЂл. Спера, третий сын, з людом своим удался далей от братов ку всходу слонца и на полудне, перебыл Невяжу, Сервету и Швету рЂки, найшол мЂстце над озером, пущами, рЂками и розлогами вдячное и красное, збудовал замок и мЂсто и назвал его Спера. A так межи Невяжею, Серветою и Шветою рЂками угрунтовал собЂ осады. Доспронгус, товариш Палямонов, патрикий або отчичь княжат римских, тягнул далЂй з людом своим над Швету реку, там нашол пагорок вынеслый в положеню роскошном и збудовал на нем замок, a другий замок нижший, и Волкомирою назвал...
...Кунос середний на князства обоих братов за позволением и голосом обоего посполства вступил и двох сынов сплодил, старшему дал имя Кернос, а молодшему Гимбрутус, и подЂлил их за живота: Гимбрутусу в Жмойти, a Керносови от Невяжи аж до Вилии пановане дал. И так Кернос Литовское, a Гимбрутус Жъмонтское в сполной братерской милости и згодЂ по смерти отцевской розширили панства. Еднак же той народ литовский през час долгий от початку своего панованя незначный был. Русь мЂла над ними звЂрхность и трибут от них отбирала, a меновите: всЂ пануючии княжата киевские землЂ Руской монархии отбиралы ...
....Аж потом Мендок и Витен з Гедимином, преславные и преважные оных панств княжата, взявши пред себе оный прирожоный свой анимуш, и долго оное ремесло рицерское, порохом припалое, з земли поднесли, почали ся з ярма руского, которое ся было з аптецессаров их, зачало выбивати княжатом руским .
...Потом Кернос, маючи частыи У наЂзды в Вилийской осадЂ от князей руских, умыслил моцью отбитися, а, злучивши войско свое литовское Завилийское з братом Гимбрудом, князем жмойтским, тягнул в руские панства ку Берестю, которого теперь зовут Литовским (а на той час належал до князства Полоцкого), a там волости руские окрутне сплюндровавши, здобычи и полону набрали без отпору, a потым до самого Полоцка, здобычи до своих литовских яскинь отславши, тягнули. Котрое то Полоцкое князство все сродзе сплюндровали и люду велми много руского в полон забрали.
...Выправа литвы до Руских краин.
Року 1256. Монтвил Гимбрудовичь , князь жмотский, зараз, скоро татаре руские панства бурити почали, начал и он o собЂ промышляти, як бы могл з моцы руской выламатися и неволи, и c той дани лык и вЂников освободитися.
...Потом знову, гды войско литовское князство Полоцкое воевало, зараз князь Давыдовичь Мстислав з рицерством смоленским, прудко на них притягнувши, под Полоцком их неосторожных и безпечных много их барзо побил, a инших во 2 озерЂ потопил ....
Року 1258. Потом лЂпше ся той Монтвил поправил знаючи, же сторона Руская есть спустошеная, a княжата руские от Батия розгнаны, собравшися з Живинбудом Доспронговичем, жмонтским князем, a литвою своею, также c курляндов албо корсов , над которым войском гетманом преложил сына своего старшого Ердвила, або Радивила. И так Радивил ушиковал войско литовское, жмотское, корсовское порядне, поднесл тежь корогви военныи, а трубачов з долгими жмойтскими деревяными трубами, особно тежь
Сам Ердвил з валным полком ишол позадЂ всего обозу, a гетманов двух на чоло з войском послал, a третьего гетмана послал з литвою в загоны. A гды перешли Немен, нашли в чтырох милях гору красную вынеслую, на которой первей был замок столечный Новъгородок княжати руского, през Батия збуреный. Там зараз Радивил збудовал замок и осЂл без розляня крови (бо не было кому боронити), опановал великую часть Руской земли и почал писатися великим князем новгородским.
Потом далЂй тягнул Радивил и найшол над Немном старое городище, замок от Батия збуреный, збудовал замок другий и назвал его Городком, a оттоля тягнул на Подляше , где в той час ятвяги мешкали, найшол там Бересте, Хмелник, Дорогичин, Сурож, БЂлско Т, Бранско, мЂста и замки побуроные от Батия. Тые всЂ замки знову побудовал Радивил, a русь, христиане, которые были по оном несщасливом спустошеню Батиевом зостали, принял их ласкаве в свою оборону, a они ему на послушенство присягли
Так Радивил моц и пановане свое в руских князствах и замках предреченных снадне за короткий час розмножил и розширил, и писался таковым титулом: Радивид Монтвиловичь Жомойтский и Литовское земли дЂдичный пан, перший великий князь руский новгородский.
Радивил Монтвиловичь, князь руский новгородский, видячи то, ижь его щасте несподЂванне над панством чюжим дЂдичом учинило, теды теж зараз тым паном и рицерству жомонтскому и литовскому, котрые з ним были вышли, звлаща добре заслужоным, подавал им осЂдлость в панствах руских, которые покумавшися и побратимившися з русью, христианами, пущи тые, котрые облогами лежали по Батию цару и его срогом спустошеню, осЂли.
...О взятю Полоцка през Мигайла княжати.
Року 1265. Князь Микгайло , пануючи на отчистых своих князствах, a панове полоччане , уфаючи в своей волности; сусЂдов на войну вызывати почали, которой сваволи не могучи болш терпЂти князь новгородский Микгайло Радивиловичь А взявся за кривду подданных своих и, зобравши войско свое з руси и литвы тягнул просто до Полоцка, хотячи гордость полоччан смирит.
...Року 1268. Скирмонт и Гинвил, учинивши погреб обычаем поганским отцу своему князю Мекгалови, усыпали костем его курган великий недалеко Новгородка. Скирмонт, яко старший сын, сЂл на отцевской столици в Новгородку князства Руского и Литовского по Вилии рецЂ, a Гинвил, яко молодший, Полоцкое князство взял з удЂлу, на котром пануючи сщасливе, понял в стан малженский Марию, дочку великого князя Бориса тверскаго, для котрой окрестился в рускую вЂру, и дано ему имя на крещении Георгий. Той найперший князь з Литвы зостал христианиноми .
Княжение Бориса в Полоцку, благочестивого князя.
...А ХХ скоро отправил будоване церкви святых, умыслил тежь 8Б знак вЂчной граници умоцнити межи Литвою и князством Полотцким 8ББ, замок и мЂсто от своего имени зробивши, назвал Борисов....
Послы татарские по дань до Литвы. Року 1272.
Потом Скирмонт, вытхнувши собЂ на побоищу по оном звитязствЂ, a маючи войска готовые, зараз тягнул до СЂверское земли и Руской за ДнЂпр, где найпервЂй по сей сторонЂ старый взял Мозыр, потым Стародуб, Карачев, ЧернЂгов, замки столечныи и мЂста з волостями князств руских и сЂверских опановал, a тыи панства за живота своего тром сыном своим роздЂлил: Любартови Х, старшому сынови, дал Карачевское и ЧернЂговское князство, Писимонтови Туровское и Стародубское, a Троянови, молодшему, на Новгородку и на подляских замках, также на Повилской землЂ, або ЛитвЂ, удЂл назначил. Потом Скирмонт, розширивши моць свою литовскую в руских князствах, будучи полным славы и вЂку, умер в НовгородкуЧ, a сынове его Любарт, Писимонт и Тройнят на удЂлных собЂпанствах спокойне пановали. Того жь часу Куйновойт князь жъмойтский , сын Живинбудов, умерл, \л.458об.\ которого сын его Утенес поховал обычаем поганским над рЂкою
О Мендогу великом и валечном князю, або кролю литовском и жомойтском.
Мендок, зоставши Я паном и великим князем литовским и жомойтским, и руским А, великие и знаменитые войны з Русю и Инфлянтами крижаками мЂвал и завше относил звитязство, a потом почал стискати приятелей своих з маетностей, и того ж року выправил сыновцов своих на звоеване руских князств, Ердвила, Викента и Тевтила
И росказал им перше тягнути до Смоленска, мовячи до них так: «Хто собЂ що добудет на Руси, то нехай собЂ вЂчне держит и за отчизну мает». Яко ж ся им добре и поводило, бо Феофил взял Полоцко, a Викинт Витебско, a Ердвил, або Радивил, в Смоленску и в Друцку килка пригородков взял з волостями их.
То учювши , Феофил и Ердвил, и Викинт, братия, осадили замки свои людом рицерским, a сами, злякшися моцы великой стрыя своего Мендога, утекяи до Данила Романовича, кроля руского, котрый в той час кролевал и кролем всей России писался (бо был 11 коронованый), просячи его o оборону и помочь против Мендогови, стриеви своему, великому князю литовскому. Утекли ся тежь и до Василия, володимерского князя, брата К Данила Романовича, короля руского, которые то на той час были на Чорной и БЂлой Руси можнЂйшими князями рускими.
...Еднак Мендог не долго в христианст†будучи трвал, але немаль того ж року по коронацией своей до першого балвохвалства Ы зо всЂми окрещеными паны нЂкоторыми вернулся Ь, и що был записал крижаком, то все отнял от них.....
....
Потом, року 1289 Мендог, або Медолфус, кроль литовский, зобравши люд военный немалый з литвы, з прусов и ятвигов, князство Мазовецкое окрутне сплендровал, замок Полоцкий и мЂсто спалил...
...
A летописцы стародавные литовские так повЂдают: же скоро Мендог вЂру христианскую покинул a до першой поганской вЂри 5 вЂрнулся...
незгоды домовые межи русю и литвою вкинул, бо Мендога, короля литовского, и двох сынов его, Руклю и Репинуса, Тронята, сыновец его, з Доллятом, зятем своим, прагнучи в Лит†панованя, забил спячого Е и панство его осЂл; то было року 1292....
...A летописцы стародавные литовские так повЂдают: же скоро Мендог вЂру христианскую покинул a до першой поганской вЂри 5 вЂрнулся ...
....Тронята упередил брата Феофила, и забил его заразом, а князство его Полоцкое опановавши, безпечне сам один в ЛитвЂ, ЖомойдЂ и Руси пановал. ...
Погребы якие были литовские.
Кгермонт, зоставши по отцу своем великим князем литовским жомойтским и руским Ф, ведлуг приказаня отцевского, на том мЂстцу, на устю реки Вилни, где в Вилию впадает, учинил жеглище и там спалил тЂло отца своего и коня, на котром Ђздил, и шату котрую носил, и покоевого его, на котрого завше был ласкав, сокола и хорта его спалил Х, и от того часу великих княжат литовских и бояр знаменитых тЂла на том мЂстцу били палени, и тое мЂстце, прозвали Свиндорога, на имя того великого князя своего. A гды того князя, або котрого иншого князя, або пана якого палено, теды зобравши порох его, напотым ховали в землю, кладучи при них рысии и медвежии ногти для того, ижь мает быти судный день, и так мовили, же приидет бог судити людей и сядет на горЂ высокой, судячи справедливых и грЂшных, на котрую гору трудно будет влЂзсти 86 без ногтей рисих або медвежиих на той суд до бога. A любо были погане, еднак знали, же мЂл быти день судный, и вЂрили з мертвых воскресению
....Уставил на тое мЂсце и уфундовал Гермонт попы поганские и вворожбитов, которые бы могли офЂри богом своим отправовати, огонь теж вЂчный з дубовых дров на тых жеглищах завше день и ночь 88А горЂл на хвалу Перкунови богу, котрого мнимали громами, блискавицами и огнем владЂти....
...Тот Рамунт еще за живота отцевского сынов пяти сплодил: Наримонта, Довмонта, Голшу, Гедруса и Тройдеса.
Так теды Трабус на початку опеки своей мЂсто Трабу (троба- дом (лит.)) от своего имени заложил.....
...Пре то видячи Довмонт, же не мЂл никого такого, хто бы ему мЂл перешкодити до панованя Великого князства Литовского, зобрал войско великое руское, псковское, полоцкое И, витебское и тягнул з великою силою до Литвы, хотячи през мЂчь Литовскую и Жомойтскую землю, если бы ся доброволне не поддали , опановати.
Сейм литовский на поли Керновском.
Потым Лаврентий Тройденовичь, будучи в Керно†всЂх панов и бояров литовских и жомойтских обославши, учинил сейм, на поли Керновском, там же здаючи панство отчизное, всего права дЂдичного Великого князства выреклся, учинил теж рЂчь до всего рицерства:
Теды тепер през мЂчь мой за божиею помощию оборонена отчизна моя есть вам цЂла и волна, и еще прибавилем Полоцко и все князство его; ото панство маетеA я сам до монастыря моего иду, в котором собЂ улюбилем мешкане, a вы пана собЂ обирайте, котрый бы речьпосполитую вашу\л.466об.\ умЂл справовати и обороняти...
Пановане на Литовском князст†Гедимина. Року 1321.
Гедимин, сын великого князя Витеня, сЂл на князст†отца своего Литовском, Жомойтском и Руском, a скоро осЂл на столицы, забил Пелюша Н сына Тронятового , бо почал ся был писати великим князем литовским Пелюш для того, же был дЂдичом.....
....бо утЂкаючих нЂмцов литва аж до Ошлани реки гонила, биючи, стинаючи, колючи, стрЂляючи, топячи и имаючи так, иж на килканадцеть миль по дорогах и полях трупу немецкого полно было. Наветь мужики з лЂсов выходячи переимали нЂмцов, збивали c коней и забивали, крычачи: «Мушк нЂмца», a криючихся по лЂсах тые жь мужики ходячи зо псами найдовали и били, a инших ободравши на деревах вЂшали.
(использовали литовское слово Мушк -бей немца)
...Аж потым призвал бискупа своего поганского, которому имя было Лыздейко, а той Лыздейко за живота Витени, отца Гедиминова, был знайден в гнездЂ орловом (лиздас-гнезд) в пуще , не при гостинцу, и сам его Витеня знайшол и ховати его дал, власне своего сына, a гды доросл, указал з себе рицерского звычаю прихилность, а, будучи на дворЂ княжом, научился звЂздарства ведлуг бЂгов небесных и снов выкладу, а потым за Гедимина найвышшим зостал поганским бискупом.
Пановал князь Гедимин лЂт много на князст†Литовском, Руском и Жомойтском, и много мЂвал воен, a завше выгравал фортунне. Сплодил седмь 3 сынов, осмую дочку Анну, которую дал \л.472об.\ в малженство сыну Казимера, кроля полского, Владиславу Локетку. Тых всЂх сынов за живота своего порядне 4подЂлив панствами удЂлными Я, забЂгаючи внутрней домовой Анезгоды, абы по смерти его сынове братерской не розливали 5милости межи собою и не воевалися з собою o панство, але абы кождый на своем преставал удЂле . A подЂлил их тым способом: Монтвилови старшому Керново и Слоним з волостями их назначил; Наримунтови Пинско зо всЂми околичностями над Припетю рЂкою, ажь до Днепра, Олгердови Крево замок, которого ся панство ростягло ажь до Барчи реки ку всходу слонца идучои, a ижь мЂл Олгерд границу з княжатем руским витебским, бо понял у его дочку единачку именем Ювианию, по которой мЂл в посагу все князство Витебское, которого князства панство ростягълося от рЂки Березины аж до рЂки Угри в Моск†(по которой был потом Витолт, сыновец Олгердов, границу литовскую з Василием, великим князем московским, и его потомствы заложил, o чом будет нижей). Кестутови Троки БСтарые зо всЂм князством Жомойтским, з Городном и Ковном, Упитом и Лидою, аж до Подляша при границЂ пруской идучие; Кориатови Новгород князство з Волковыйском и Мстибоговом, которое князство тягло до Случи рЂки ; Любарт зас же понял был в стан малженский у Володимера, князя володимерского и волынского, дочку, мЂл часть c посагу на Волыню, a по смерти ВолодимЂра взял князство ВолодимЂрское все, Луцкое и Волынское; Евнутови, меншому сыну, в котором ся Гедимин найлЂпше от всЂх сынов кохал, по смерти своей всю зверхность Великого князства Литовского, Руского, Жомойтского над братиею злЂцил и записал, и Вилню мЂсто, столицу Великого князства Литовского, з замками отдал, также Ошмянские , Волкомирские и Браславские отдал ему повЂты. A так, всЂх сынов своих великий князь Гедимин подЂлил панствами своими.
O забитю князя
Гедимина литов[ского]. Року от Рожества Христова 1328. Кгедимин, великий князь, того року от нЂмцов в Прусех забит з ручници и там на том же мЂстцу16 душу вырихнул. Сынове тЂло его припроводили до Вилня и все его рицерство, и там \л.473.\ обычаем поганским
Великий князь Димитрий выповЂдует Лит†войну
A потым Олгерд з Витебска з жоною своею Ђхал до Вилня, где вышло против ему все посполство, плещучи руками, спЂвали «ладо, ладо», ведлуг обычаю поганского, оказуючи радость c повороту князя своего. Петым, часу едного, будучи на ловах с князем Кестутом, братом своим, уподобалося ему мЂстце за милю от Трок межи озерами, там зараз Кестут заложил замок , а назвал Троки Новые. И там князство свое перенесл з Старых Троков.
Року 1392.
Еднак же за персвазиею Витолта, сына своего, так долго молчал, аж Ягейло войну против Руси Полоцкой поднесл, на которую то войну был от Ягейла преложон гетманом Андрей Горбатый.
Потым року 1397
Святослав, смоленский князь, учинил раду з Андреем, княжатем полоцким, Литву воевати. A так князь Андрей знову до Литвы з войском, a СвЂтослав до Орши втягнули и много злого так христианом, як и поганом учинили, же не тылко христианское, але и поганское войско пред тым не чинило: запирали в хаты и палили, смолу горячую на них л[ь]ючи, других, подваживши избы , клали шиями под стЂны, a потым ваги от[ъ]имали и люд стЂны давили...
...Потым Скиргайло и Витолт тягнули до Полоцка, которого за малый час добывши сваволных и тых, которыи были причиною той войны, мечем на горлЂ и на маетностех карали, a осадивши замок Полоцкий рицерством литовским и всю Русь Полоцкую, Лукомскую, Витебскую,\л.493об.\ Оршанскую, Смоленскую, Мстиславскую, з оных бЂд успокоили и до послушенства князства Литовского привели.
О татарех под Слуцком и Минском. Року 1506
...A тые два брата его царевичи отступивши от Слуцка пошли до Новгородка, a на той час в Новгородку всЂ панове сеймовали, которые видячи, же зле, выЂхали з Новгородка за Немен, a татаре за ними гонили. Взявши перше Новгородок, запалили его, а перешедши Немен, в Литовской земли великии починили шкоды, a з вязнями и здобытками назадь вернулися. ..